A parcela ocupa dez hectáreas e está moi ben comunicada cos núcleos de poboación máis importantes da provincia.
A Granxa Escola EL KIRIKO conta cun edificio de 1.850 m², que dispón de tódolos servicios necesarios para albergar ata 150 persoas de visita diaria ou 110 en réxime de pensión completa.

Conta con catro dormitorios equipados con liteiras, aseos e duchas, salón comedor, cociña, aulas de obradoiro, aula de audiovisuais, biblioteca e enfermería, tamén conta con calefacción en tódalas estancias.
As instalacións compléanse con zonas de xogo, deportes e piscina.

Tamén no exterior temos aulas adecuadas para o desenvolvemento de múltiples actividades en contacto coa natureza como son: horta, invernadoiro, zona de animais e cuadras.

O equipo humano está formado por profesionais do tempo de lecer e da educación, así como persoal de cociña, mantemento, limpeza e administración.

Invitámoste desde aquí a que coñezas a Granxa e as súas instalacións por dentro e por fóra.
Podes picar sobre o plano e as fotografías para velos a tamaño grande.